قلب بلا روح (341)
.................
أقعد لحالي إتحيرت
دمعه عينيه
أبكي على قلبي
اللي مات جوايا فيا
ولا على عمري اللي فات
مغصوب عليا ..
وأخلع في ليل
توب الوجع وأكتم
ما بيا ..
وألبس له توب فرح وهنا
رغم اللي فيا ..
كحله عيوني رسمتها
بتقول حكاوي
بتداري إحساس ما أنتهى وبحور لغاوي
على جمر شوق مش ليا
أنا لا بنام ولا أصحى
مربوط عذابي بسعدهم
وبعمري ضحى ..
علشان يعيشوا
أدوق ضنى
وأتباع رخيص
سجنوا مشاعري بحكمهم
قالوا ماليش ..
وجناحي خضر صغيره
ما طلع له ريش
وضفايري ليل متحيارى
مع مين تعيش ..
مع كبر سنه وحس مات
أشواك خريف ..
مع كل تنهيده وجع
فين ده الوليف
ما القلب مسجون عالورق وإزاي يعيش
ولسه باقي مني
روح ولا ما ليش
بقلم .. صبري رسلان
