جواز غلطة (711)
...............
على خدي دمعي من إمبارح
شويه حلو كتير مالح
دي الفرحه للي يقدرها بشايرها
حزن بلون كالح
قالوا الجواز ستر وعيله
بستان ورود ريحته جميله
شهرين وقلبت زعابيبها
طابخه النكد ليله وليله
طلباتها نار ما بترحمشي
وهات وهات
ما بتشبعشي
أجيب منين والجيب فاضي
كترت ديوني وما بنامشي
بتبص للي في أيد غيرها
وغاويه حتما تقليدها
إشمعنا دي وكله إلا ده
مديون وسجني على أيدها
ويا ريتنا عاجبين فى الأخر
بخيل مجوعها فى بيتها
ما أيديها فى الميه الباردة لا طايقها واقفه ولا عارجه
ما عرفتش أختار ولا أنقي
كده غلطه ولا عمري هعيدها
وتوبه من بعد النوبه
لا هروح لغيرها ولا أفيدها
بقلم .. صبري رسلان
ليست هناك تعليقات:
إرسال تعليق