( رزقك مش هبجيك ع الجاهز ) :
إوعى ف مرة تقول انا عايز
إوصل ربك تبقى الفايز
طول ما معاك ستره ورضاه
مفاتيح بابه تبقى الحايز
إوعى ف مرة تشك ف نعمه
ولا تقول اهو ممكن جايز
نعم الله دي حقيقة لا تحصى
نعم الله مش هبه وجوايز
الأرزاق مش بس فلوس
مش فكرة جنيهات وبرايز
خد م الدنيا عبر ودروس
اوعى تاكلها ف يوم بالفايظ
ما تفكرش تبص لغيرك
مانتش فقري وهمه عزايز
يكفيك انك تلقى ف بيتك
حبة ميه جوه ازايز
سير في الارض ودوس ع الصعب
اوعى تفكر إنك عاجز
ربك قال لك اسعى يا عبد
رزقك مش هيجيك ع الجاهز
ربك قال لك اسعى يا عبد
رزقك مش هيجيك ع الجاهز
بقلمي الشاعر جمال زكي عينر
ليست هناك تعليقات:
إرسال تعليق