قسيت
ايوه قسيت وعلى قلبي جيت
دوست عليه يوم ما حبيت
كنت بشوفك نجمه في السما
حلمت اطولها سهرت ليالي انما
تغيب تغيب وتظهر تنور
وافضل انا حيران وبدور
وسط النجوم الليل سهران
عشت ليالي وحيد وبفكر
هو صحيح انا كنت هقدر
اني في حبك ابقى امير
واني عليك كنت بغير
كنت بغير
ايوه انا غيرت عليكي من حبي
وقت ما كنت اخدك في حضني
وغمض عيوني واحلم بيكي
وافضل انا سارح بخيالي
واحلم بدنيا زينتهالي
وجمالك اللي مافرقنيش
طب قولي ازاي انا هقدر اعيش
وكل دقيقه بفكر فيكي
ولا شوفكيش
كل دقيقه اتمنيتك جنبي ومالئتكيش
لمعت عيوني غصب عني
والكل بيسألني عن حالي
وسؤلهم بيدبحني
لمعت عيوني وجاوبت عني
اني وبعد دا كله بقول
ياريت ما حبيت
وبعد ما قلبي كان في السما
رجعت مكاني وابتديت
وكأني لا روحت ولا جيت
قلبي اللي خدعني
سجنته جوايه وعليه قسيت
ايوه قسيت
لما على وهمه الكبير صحيت
صحيت على فجر جديد بينادي
اني خلاص بطلت احبه
واني نسيت
ايوه قسيت
بقلمي / هاني غريب
ليست هناك تعليقات:
إرسال تعليق