((( وهم ألكاس )))
يا مين لوعد ألكاس
أرتاح مزاجه وانسجم
وشاف الدنيا حلوة وجميله
ولا فيها حزن ولا فيها ندم
تلاقي التوهان وخده
وبظنه فاكر السعد عبد
يسخره زى الخدم
فين يصحا عقله ويعرف إن
لكل بداية نهاية وبعديها
سيرة وذكرى ثم عدم
أبد ما كان كأسك هو
مصيرك ولا سكر العربدة
ها نقول عليه أمم
لكن دوار الوهم ف النفوس
خلَ الناس تشوف الحقيقة
ضياع وخراب ذمم
واللي فاكر بالسكر ها ينسى
يبقي فكره راح لظلام وظُّلم
يا للي بايع النفس لهواها أخرة
طريقك ما لهوش لا كعبة
ولا حرم
ومعبدك أصبح حانة نفسك
وصلاتك آياتها خوف وألم
لو الذنوب استجارت لقبحها
ها تلاقي قبح شارب الخمر
زى الصخر والصنم
ولو المال أتكلم على تبذيره
راح تلقى الكلام مصبوغ
بلون المر والنضم
واهي حدوتة وبحنكيها
والزمن مطرطق ودانه
وبيكتب خيبتنا بس
من غير قلم... وعجبي
&&&&& يحيى نفادي سيد
ق 26/12/2020
ليست هناك تعليقات:
إرسال تعليق