ماله شبيه بالقصيد:
يريدون بالسؤال عن وصف حلاك
مادروا انه وصفك مايدانيه قصيد
ياما وصفك غيري وشبهك بالملاك
يقصد يشدك والغاية شباكه تصيد
ياقمر دنيتي ولالك شبيه بالأفلاك
راس مالي بلاحدود وكل الرصيد
لو ساوموني عليك وشروا غلاك
ماظنتي يوصلون لشوقي الشديد
أنا تاج الغلا لقلبك والقلب منتهاك
كلما قلت كافي الحب عندي يزيد
ياهنا قلبي وروحي ولحظة لقاك
شوق الرضيع لأمه وصدرها يريد
ماينشبع من وصف الحال وصباك
تراه قليل ومقصر وعندي زهيد
لاتطاوع قلبك لو فكر عني ينهاك
طوعت كلك يكون شريانه والوريد
يطوف حالي والمنى يكون مسعاك
تطوف بجوي ونكرر الوصل ونعيد
وش تريد بعد كل هالوصف ومناك
ياللي سلبت العين والقلب لك عبيد
الذنب مغفور لو كان حكمك وقضاك
بس لاتقسى بالهجر وتظل عني بعيد
@عزالدين الحميري@
ليست هناك تعليقات:
إرسال تعليق