كنت رومانسية
زعمة العين اللي تشوفك
في نورها
وقتاش ...؟
وتخلي بيا في أحزاني
وعلاش...؟
ننظر قدامي
هذاك غرامي
وحلمتي والليل طاح عليا
هربت النجمة القطبية
فقت من الأوهام
كنت رومانسية ...
وتغلبت على ما بيا
شفت الڨمرة قدامي
محلاها
قلت يا ناري عشت أوهامي
والنجمة تضحك عليا
فقت من منامة سحراني
وصحيت شويا
وقلت هذيكا هي الدنيا
يوم ليا ويوم عليا
حبيت نحلم شوية
لقيت الموجة قبليا
شفت في عيونك ظلامي
هرب النوم عليا
والنجمة هجرت زماني
والسماء ضحكت لأحزاني
فقت من منامة سحراني
زعمة نعود رومانسية ...؟
ونرى دموعك في عيني
ونحس بيك وتحس بيا
وتضحك النجمة محلاها
وترانا كيف شمس الصبحيا
الهدب حاجبو سوالف
وجفونو ڨمرة مڨديا
والشفة حروفها عاجباني
زعمة تشوفني رومانسية...؟
قداش نضحك قدامك
ونبيع أوهامي وأوهامك
هذي الدنيا همومها مخبيا
نلقى روحي وحدي
والأيام هربت بيا
في بحر موجو عالي
والموجة تقلب فيا
كنت رومانسية
وقررت نضحك للدنيا
مانبدل زهوي بأحزان
ونخرج والمبسم هلال
والورد عل الخد فتان
وما نضيع زهوي بجنان
أنا رومانسية
حميدة لن ساسي
ليست هناك تعليقات:
إرسال تعليق