***العين سايحة***
شايفها والعين سايحة....تجري واداها الدَيْ
قالت لي مهيش نافحة.... قلتلهااصبري شوَيْ
من غدوة تولي فارحة....وتقولي صحا وخَيْ
واش صرالي نا البارحة....اتقلقت وقلت صَي ْ
بحياتي ماكنت ناجحة.....ومايسرا فيا الفَيْ
راها من عيني طايحة...فالدنيا ما صبت شَيْ
هذي تجربة قارحة....مر عليها شحال كَيْ.
واناقلت لك يا الرايحة....ما تخلي عني الحَيْ
فالي فيك على المصابحة...يربح النهاري بزَيْ
قلبي ما طاق المراوحة.....وعقلي ما قد لَيْ
جلول قيايدة
ليست هناك تعليقات:
إرسال تعليق