هرب الكلام
يابشر ضاع الخير
وضاعت النّخوة...
والقسوة زادت
وين الرحمة؟...
هرب الكلام ...والصّورة تنطق ع الصّدمة
من غير سبب
ولا رحمة ...عذّب حيوان
ما لو قدرة...كسّر النّخوة
وقتل فينا المحبّة...
تشتّت الدّم ...وضاعت الرّحمة...
يا بشر... شو ...ها القسوة؟!!!....
كلب جميل في عينو نظرة
والقلب مليان بالوفاء
يا صاحبي ليش الغدرة...؟
بعت الوفاء في لحظة
حميتك كلّ ليلة
وأنت في غفلة
حبيتك وجعلتك في قلبي
زهرة...
غدرتني وذبحتني بشفرة...
آه يا بشر قدّاش غدرة
كنت حارسك ورفيقك
عيني عليك ما تغفل
ضربتني بلا رحمة
...مقيّد ...
...بِعت المودّة
في لحظة...
ساعة غضب...قتلتني بشفرة...
ما عندك ضمير ولا نخوة...
بعت الوفاء وما نظرت للعشرة
كنت معاك ونيس
دلّلتني وبسرعة
نسيت وضربتني بلا رحمة...
ربّي في الوجود
تعذيب الحيوان جريمة
هذا يخالف القانون الانساني
...نكتبو في الدستور...
لا تعذّب زايلة بكما
يا عالم ضاعت الرّحمة....
إنت موش بشر ..نزعْت المحبّة...
... ذبلت الوردة...وانشقّت السّماء بالشّهقة...
حميدة بن ساسي
ليست هناك تعليقات:
إرسال تعليق