ياكل الأوقات عندي بقلم عزالدين الحميري

 ياكل الأوقات عندي

صباحك ومساك وكل الأوقات وحلاها
طيب أنفاسك وعبق روحك ووصالي
ياهنا قلبي وقلبك وهالساعات وغلاها
بين وصال ولقا ولهفة شوق تحلالي
دنيا غرامي وشوقي وانت قمر سماها
نورك طاغي ويشبع دنيتي ويملا مجالي
يسألون عن هذا الشعور وحروفي وغذاها
لو يحسون باللي داخل احشاي وغلالي
أنهار الغرام والحنين من عندك ومنتهاها
مصبها بالقلب وشريانه وزلالها يصفالي
ياويل قلبي وحالي من ريمتي وصباها
رمش عينها يسحر القريب والبعيد وحالي
لو تقبل وترضى ساح القلب مرتعها ومرباها
أزرع الساح شوق وحنين وغرام ودلالي
أنا اللي سقيت المتيم والهايم ماي زلاها
ينهل من صافيها سلسبيل مالها مثالي
اسالوا عني الأبيات والحروف ومحتواها
الجواب بين كل شطر وبيت تخيم ظلالي
ماني من اللي يتكبر ونفسي وغناها
ثقة بالله وايمان ويقين ورضاه منالي
لو كان العتب طريقي قصدت قضاها
الحكم قلبها وروحها والقرار يحلالي
هب النسيم هالساعة والمعاني وخباها
باحت باللي اشتكيه بحرفي وقالي
منيتي وصالها وغايتي شوفها ولقاها
تعتلي عرش روحي وقلبي الخالي
شبيه الحال صحاري بيد واسع فلاه
قطرات من السما ترويها ماي زلالي
وصيت نبضاتي تداعب صحوها وغفاها
لأجل تظل تفكر باللي يطري ويجرالي
خلص الكلام ونهاية الأبيات وفحواها
مالك مثيل عندي وللقلب والروح غالي
@عزالدين الحميري@