🌹🌹مين ابتدا بالفراق🌹🌹
مين ابتدا بالفراق وهان عليه التاني
بتبيع وترجع تتهمني اني انا الجاني
ما تراجع قلبك كده وارحم شويه
تجرح وترجع تشتكي ماتبقاش اناني
ساعديني انسى اي حاجه بنا كانت
وابعد عن اي حد بيفكرني بيكي
ماهو كل ذكري بنا عليكي هانت
بعتي قلبي اللي كان ملك لأيديكي
نسيتي كل دقه قلب ليكي بتندهك
وعشقت اسمك اه اكيد نسيتي
بتغيبي وترجعي وتقولي بعشقك
ما هو الكدب خلاص بقا طبع فيكي
صارحيني بكل حاجه قوام بجد
وسيبي ذكرى حلوه في قلبي ليكي
لو كان ف يوم قلبك فرط في وعد
انا قلبي وعدك طول العمر يكون شاريكي
مين ابتدا بالفراق وهان عليه التاني
بتبيع وترجع تتهمني اني انا الجاني
ما تراجع قلبك كده وارحم شويه
تجرح وترجع تشتكي ماتبقاش اناني
هتقسى عليا مستحيل انا هكرهك
دي لحظه صادقه بالدنيا وما فيها
هتلفي كل الدنيا عشان قلب يعشقك
دا قلوب تحب مش بسهوله نلاقيها
خليكي فاكره ان كان ما بنا وعد
انك تكوني ليا واني افضل شاريكي
خدتي القرار واخترتي انتي فراق وبعد
وف لحظه شطبتي حبي قوام نسيتي
مين ابتدا بالفراق وهان عليه التاني
بتبيع وترجع تتهمني اني انا الجاني
ما تراجع قلبك كده وارحم شويه
تجرح وترجع تشتكي ماتبقاش اناني
بقلمي /هاني غريب
ليست هناك تعليقات:
إرسال تعليق