هزيت عيني للسماء
ودعيت
علي ما يخاف ربي
وما يحب الوطن
خاين ...غدر البلاد
إحساسو بليد ...لا عندو ضمير...
يتم أطفال ...ورمل نساء
وشوى كبدة لميمة
ودمعة بو حارقة...غزيرة..
تونس العزيزة
يفديها الشهيد بروحه
راية الوطن عاليه
في القلب ساكنه
مات الشهيد
والدماء منو سايله
تسقي أزهار زرعها بيده
واللي سكن الرمش
دمعة وتبسيمه...
يا ذليل يا اللي قتلت الوطن
تموت جيفة
وهو الشهيد عطرو مسك البلاد
يتمتع بحب العباد
وبحب الإلاه
اسمو مسجل في التاريخ
وليه كل عام ذكرى
عايش في القلوب ديما
يا ذليل يا اللي قتلت الوطن
تموت جيفة
وإذا عشت تكون عار
لا كرامه ولا تبسيمه...
تذوق المرار والصبار شوكه
ديما في ظهرك
والعلقم في فمك حيره...
رخيص ما عندك قيمه...
ما ننسى شهيد الوطن
يروي بدمو المحن
عزيز وغالي ...ما يخاف يدافع
عن الوطن عمرو يعطيه
ورد من جنينه...
حميدة بن ساسي
ليست هناك تعليقات:
إرسال تعليق