( سنة هلت علينا جديدة ) :
سنة هلت علينا جديدة
تيجي بالخير والفرحة يارب
ايام هنا وليالي سعيدة
كلها فرح وود وحب
نفسي بجد الدنيا تكون
دنيا جميلة وفوق العادة
كل الصعب علينا يهون
والناس تبقى ف خير وسعادة
نفسي الناس تصفى لبعضيها
يرجعوا تاني زي زمان
تبقى قلوبهم على بعضيها
في الافراح أو في الاحزان
نفسي الاقي الدنيا جنينه
كل الناس عايشين احباب
ولا اشوف ابدا دمعة حزبنه
ويبقى الباب مفتوح ع الباب
سنة هلت علينا جديدة
تيجي بالخير والفرحة يارب
ايام هنا وليالي سعيدة
كلها فرح وود وحب
بقلمي الشاعر جمال زكي عينر
ليست هناك تعليقات:
إرسال تعليق