علاش ڨتلوني
ڨولي يامّا
عمري كيف الورد مفتّح
للحنّه مدّيت يديّا
ماني وليدك
ردّي عليّا
غدروني بالدّم البارد
و أنا خارج في الدّوريه
نحرس في شعبي و بلادي
نحميهم من كلّ أذيّه
ڨولي يمّا
علاش ڨتوني
ماني وليدك
ردّي عليّا
لاني فاسد
لاني سارق
لاني خاسر
لاني عايق
والديّا راضين عليّا
و بلادي أمانة في عينيّا
ضربوني مابين كتافي
و اللي ضربني منّي فيّا
معاشرني نابت في جنبي
كان جا برّاني نِتهيّا
و ما يڨدّ يعدٍيها عليّا
ڨولي يمّا
علاش ڨتلوني
ماني وْليدك
ردّي عليّا
زهرة الحوّاشي .
ليست هناك تعليقات:
إرسال تعليق