اعتراف بقلم الشاعر هاني غريب

 🌹اعتراف🌹

بعترفلك يا موج
البحر اني عشقته
وان غرامه
سكن قلبي وسكنته
سكني عرش قلبه
وانا في قلبي سكنته
طار من عيني النوم
من كتر تفكيري فيه
زادت عليا الهموم
بالي انشغل انا بيه
لو قلت تعبير ادق
ادمنته
غرامه خلاني مسكين
على دروبه اسأل عنه
غرس في قلبي حنين
من كتر ما بشتاقله
ياريت يحس بحالي
ويحس بدقات قلبي
دا هما اللي حيلتي دمعتين
وانا قلبي ما بيدي
اروح اشتكيك لمين
دا الشكوى بتألمني
يمكن في يوم تميل
وتقرب يوم مني
عمري ما عرفت مستحيل
واديني عايش مستني
كل الأحبه اتنين
والحب كان من طرفي
وهو ماحس بيا في يوم
انا اللي حبيته لوحدي
وليه اجيب عليه اللوم
هو انا كنت صارحته
شكيت حالي لموج البحر
من غلبي
هو مالهوش ذنب
دا الذنب كان ذنبي
بقلمي / هاني غريب