الدور عليك اللي حب وشال في قلبه اسم حبيبه
واللي عاش العمر يحلم امتى في يوم
الشوق يجيبه
واللي عاب على حب غيره
مايتحسبش نقطه باهته
في بحر عيبه
يوم ما فكر يعلى ويكبر
بكل سهوله على حبه داس
اصله خلاص وبكل سهوله
فكر نفسه بقا استاذ
وفاكر اني بقيت تلميذه
وقلبي تحت رجليه ينداس
واني هعمل خدي مداس
كنت فكرك في يوم حبيب
طلعت واحد بكاش
في قلوب نقابلها تسوى الف
وقلوب نعاشرها ولا تسواش
شوف الدنيا لما تخلي كل
حاجه تمشي عكس
اخس عليكي يا دنيا اه والف اخس
فاكر ان بعندك كده بتوب
انت كأنك ركبت حمارك بالمقلوب
واخد في وشك وماشي بضهرك
وفاكر ان قلبي خلاص مغلوب
فاكر كده لمرادك توصل
دا اللي حياته سكنها ازاز
مايحدفش الناس بالطوب
في ناس كتيره مهما تغيب
في القلب ساكنه
وناس تانيه امورها غريبه
قريبه بعيده ماهياش فارقه
خليك في طريقك ماشي وكمل
وفاكر ان في بعدك حل
وان حمارك فلت لجامه
وانت يألف خساره عليك
فاكر ان لجامه في ايديك
وانت مهما تقول وتعيد
كدبك دايماً فضحاه عنيك
وبكره تدوق الذل بأيدك
بكره تلف الدنيا في ثانيه
وف ثانيه هيجي الدور عليك
بقلمي / هاني غريب
مصر
ليست هناك تعليقات:
إرسال تعليق