عيد جديد
هوه دا نفس العيد يا أمى
أيوه هوه دا بالتأكيد
بس دا كان عيد سعيد
طبعا عشانك انتى بالتحديد
اتكررت نفس الطقوس
متغيرتش من عهود
لكن يا أمى شفتهم شريين جديد
ياه دا لبس العيد الجديد
بس أنا عمرى ملبسته قبل متشفيه
تقولى رأيك البسه ولاتغيريه
فاكره من سنه واحدة بالتحديد
قلتيلى لازم رأيى!! البسى حتنوريه
رديت مقدرش البس عمرى
لما يا غاليه تصرحيلى بيه
كلمات بسيطة يا أمى
لكنها حكمة سنين
دا حتى عدى رمضان ومعزمتنيش
يا ريت حتى لو جنب قبرك رغيف عيش
اتهنه وأشاركك فيه وعليه أعيش
دا انا تايهة من بعدك. حسه مليش عيش
حسه انى من بعدك فى الدنيا ضيف
اليوم فى بعدك باعيشه لكنى مش عايزه أعيش
كنت بأقلك مش حأقدر خليكى قلبى ضعيف
قلتلك كتير يا أمى استنى متمشيش
ورحلت فجأة وكانت صدمة ليه جامدة
اتكسرت صدقينى !! الف كسرة
محتجاكى ف كل وقت. الف رحمة
حتى تدعليلى دعوة بنية صافية
لو حسه بيه ادعيلى يا امه
ربنا يصبرنى على بعدك
أو يرحمنى وأكون جنبك
اكون عندك زى مكنت هنا ضلك
بقلمى
الأديبة ايمان الشخيبى
ليست هناك تعليقات:
إرسال تعليق