حلم أكتوبر
فى أكتوبر من كل عام
أمى بتجيلى فى المنام
وتفكرنى بالحرب والسلام
وأفتكر أيام زمان
ولحظه عبورنا للقنال
طيرتنا كانت كالسهام
وجنودنا بتشق الجبال
وصوتها بيهز العيال
وميه بتشق الرمال
وجنود بتعبر زى الغزال
والله أكبر بتصم الودان
سينفونيه وبيعزفها الرجال
ومائير تبكى للبغال
أحنا رضينا بالسلام
قالت أمى
ويومها كنت برقص زى العيال
وكان نفسى أشارك فى القتال
وكنت بدعى وقت ألأذان
وأبوك يأمن على الكلام
والأمه وقفت وقفه رجال
رغم تهديد النعال
وقالوا
دمنا أغلى من كل مال
الغرب شاف صدق الكلام
قال رضينا بالسلام
رن المنبه صحيت قوام
كنت ظبطه وقت الأذان
بقلم كابتن سعيد الحاجه
ليست هناك تعليقات:
إرسال تعليق