بشرة خير قلبي حب
متليع من عين كحيلة ومجروح بماضي الاشفار
الدهر خائن نا شكيلا ماذا يخبي مــــــــــن أسرار
دلوني ثماشي حيلة عاشق شعلت فيا النــــــــار
قلبي وشعلت فيه فتيلة من وقت اللي كنا صغار
وتعدت الاعوام طويلة والعشقة ديما تكبـــــــــار
كي القمرة تزهي كــــل ليلة حتي جمعتنا الاقدار
والقصة نقراها جميلة حروف الود تبان جــــــهار
شاد خبرها بكل قبيلة عطر وفايح مـــــــن النوار
معروفة في كل دويلة وعـــــــــليها نطرز الاشعار
حروف اللغة ما تكفيها مــــــــــهما كتبنا بالاحبار
حتي الوصف ما يزيها حورية هــــــــدية الاقدار
متليع ياو عاشق فيها من وقت اللي كنا صغــــار
بدوية مربوعة قـــــــــــــد تلبس الحرام و العجار
فـي المشية تمشي تتدرج تخطفها جميع الانظار
ريحة مسك ربـــــي يفرح نسمة فجر طلوع نهار
متحير مدة وسنين نفركس علي الحب اللي طار
منين نجيب الصبـــــــــــر زعمة تتصالح الاقدار
تعود الضحكة للعينين بعد اللي كـــــان ثمة غيار
بعد سنين زمة جذب بشرنا كــــي صبت الامطار
بشرة خير الفرحة تعم يـــــــــاربي تجلي الاكدار
شريف بن محمود العرفاوي
ليست هناك تعليقات:
إرسال تعليق