قصيدة{بحن إليكي}
تأليف الشاعر عبدالله التلباني
حبيبي
حبيبي بحن إليكي
وطول الليل بحلم بيكي
وقلبي يقولي أنساها
لكن عقلي لسه بيفكر فيكي
من أول لحظة شفتك فيها
وأنا بتمنى أني ألمس أيديكي
بحن إليكي وطول الوقت مستنيكي
حبيبي
طول عمرى وأنا بدور عليكي
وبحلم بالحظه اللي فيها هتلاقيكي
وبسأل نفسي؟
يا ترى بتدور عليا زي ما بدور عليكي!؟
يا ترى بتفكر فيا زي ما بفكر فيكي!؟
يا ترى يتحلم بيا زي ما بحلم بيكي!؟
يا ترى هنتقابل ولا هنعيش طول عمرنا ندور علي بعض وتايهين
يا ترى هشوفك وهتشوفيني
هاكلمك وهتكلميني
هاحسك وهاتحسيني
ولا هيبقي مجرد حنين
حبيبي
هتصدقيني لو قولتلك بالرغم من أنك كنت بعيد عني
لكن كنت بفضل أناديكي
وفي كل لحن هادي بسمعه بحس بإحساس جميل بيلمس قلبي وبحس بيكي
ولما بسرح مع نفسي بشوف صورتك قدام عيني
وبحس بطيفك حواليا وأنا مستنيكي
كان صعب عليا أني أنساكي
أو انسي في يوم لؤاكي
كأنك مغناطيسي القرب
اللي بيقربني من هواكي
حبيبي
مهما تلف السنين والسنين
ومهما بشوف بنات حلوين
في الأخر هبقي ليكي
أنا أهو واقف معاكي
وعيني في عنيكي
وأيدي لمسه أيديكي
بوعدك يا حبيبي
أني هكون ليكي
نجمة تنور سماكي
فخدي اللي انتي عايزاه
من حياتي وكل املاكي
بس هبقي انا ملاكك يا ملاكي
ليست هناك تعليقات:
إرسال تعليق