يا سنين العمر /محمد عبدالغني عمارة _ مصر/مؤسسة الوجدان الثقافية

 قصيدة عامية

بعنوان : (( يا سنين العمر .. ))

يا سنين العمر وخدانا ..

يا سنين العمر حرمانا ..

وحنين الماضي جوانا ..

لا بننساه ولا بينسانا ..

*** *** *** ***

حيارى من مينا لمينا ..

بلهفة أشواقنا وأمانينا ..

تاهت ما بينها مراسينا ..

ومين ع البر هيرسينا ..

ما خلاص راحت علينا ..

والدفة مش ف إيدينا ..

*** *** *** ***

بحر الحرمان ماله قرار ..

وموجه عالي خاين غدار ..

والهوى فيه ماله مسار ..

وم الشط ل الشط محتار ..

وكل البحور مليانه أسرار ..

إلا بحر الهوى يبوح أشعار ..

*** *** *** ***

يا بحار ده الهوى سلطان ..

واللي يعانده أكيد ندمان ..

واللي يسايره تايه سكران ..

خليك عنه بعيد في أمان ..

*** *** *** ***

يا سنين العمر على فين ..

وخداني وجوايه أنين ..

وخداني بدمعة قلب حزين ..

وخداني بشوق وحنين ..

لذكرى الماضي راجعين .

بقلمي // محمد عبدالغني عمارة _ مصر .