مطر أفريل بقلم ذ.داود بوحوش تونس

 (( مطر أفريل ))

صبي و زيدي صبي

هات الخير

صبي جابك ربي

مطر أفريل

صبي و بزايد صبي

في كل الدير

صبي و زيدي عبي 

مبهى السيل 

صبي بجاه ربي

صباح و ليل

صبي و قد ما تصبي 

باقي قليل

صبي و فين تشبي

الزرع عليل 

جيتي و معاك ربي

خلينا نغنوا

هيلا هيل

صبي و عاودي هبّي

رذاذ مهيل 

صبي كلانا الكبّي

و الحال حليل

صبي و زيدي صبي

انت

الخير و الخمير 

قد 

ما نشكروك يا ربي

و نوفوا الكيل

شوية عليك يا حبي

و الله قليل

ذ.داود بوحوش تونس