بالروقارة يصطادونا
وفي الواد الغارق يرمونا
ولي ماتوا في الكميونه
عليهم سكابه الدمعات
وحتى الرضع في الكردونه
اعتبروهم من المنسيات
بالدم البارد حكمونا
وقووا في المصطلحات
لافهمناهم لا فهمونا
وما راعوش التضحيات
كل واحد لاهي في شونه
يعدد فيها الانجازات
والوضعيه عنا مشومة
وراء الأزمة تظهر ازمات
المجاعة والكورنا
فيها برشا سلالات
تونسنا الخضراء مهمومه
ماذا لاوت من غصرات
بلاد النخله والزيتونه
اليوم تقبل في الايعانات
المديونية للكرومه
والمجلس في خوذ وهات
ولي راكب زقفونه
ينير ع الاخشيديات
نخبناهم ما نفعونا
هدوا كل الامنيات
ضاع تعبنا الكل خساره
نعدوها الحياة سكات
ويبقى سيدي والسمساره
بين الغفوة والصحوات
فاطمة الاحمدي
ليست هناك تعليقات:
إرسال تعليق