٣٠-يا مسحراتي العيد
________________
يأ مسحراتي
صحي العيال للعيد
يا مسحراتي
هات في كل جديد
يا مسحراتي
نسمة هواك بتزيد
يا مسحراتي
تعالى وإشرب شاى
وكل معانا الكعك ونعيد
وعيش البهجة
ترجع ياسي السيد
وخلي بالك
م العدو الصهيون
وأحصد رقابه
في الساحات بالكوم
وصراخه يعلي
وللعويل بيكون
أصل الجبان
الخسة ما تسيبهوش
وخلي بالك
م الصواني تدور
وسط الساحات
يا مغرمين بالدور
والحب زاد
قبل ما تآخد دور
عيني عليك
يا طفل
لم يصبه الدور
مسك القلم
وكتب هناك إسمه
صرخ القلم
بعد أما شاف رسمه
نظر الجبان
بعد اللي بان ورماه
يا أمتي
إدعي في كل صلاة
خلي الحياة
تشدو بلحن الآه
يا مسحراتي
دي للقبلتين أولي
أسرى الكريم بعبده
يوم لأقصاه
يا طيبين
عيدكم خلاص بكره
ولسه حنين القلب
ينزف بدمع الآه
بقلم/وافي إسماعيل الشلبي
ليست هناك تعليقات:
إرسال تعليق