المشوار ترى قصير:
مشوار الحياة مهما طال ترى قصير
كل يوم نفقد عزيز وحبيب وغالي
ياصاحبي لاتقول قدر خفي ومصير
كل واحد مكتوب عالجبين كالزلالي
يازين من كان له رصيد وعنده خمير
يرحل بنفس راضية ومرتاح البالي
تهل الدمعات في كل يوم كنها غدير
من كل خبر هذا جاري وعمي وخالي
شبيه الحال كسر وصعب له تجبير
لكن صبر وتسليم بقضا ربنا العالي
شما كتبنا وشرحنا يظل ذخر وخمير
يداعب خيالنا بكل حال ينعاد وينهالي
يالله رحمتك وغفوك وأنا عبدك.الفقير
بهاي الليالي المباركة يتغير شان حالي
ياشين من سعى للدنيا وضاع الضمير
ينهش لحم أخوه وصاحبه ولايبالي
ياأسف عليه باع نفسه للدنيا والتفكير
انه مخلد بالدنيا ورصيده فاضي وخالي
ياناس الدنيا صارت غابة والكل خبير
يدور نفسه وقول اللهم نفسي وحالي
كتبت هالأبيات ولو حانت ساعة الرحيل
دعوة منكم تسعد القلب والجنة ظلالي
@عزالدين الحميري@
ليست هناك تعليقات:
إرسال تعليق