راني وعيت
راني وعيت
كنت غالط ف لي بغيت
غير لمحنة ولعذاب ل جنيت
حتى نسها ونكول نسيت
ايجي لولف ونتفكر لي بغيت
راني وعيت
راني وعيت
صورتها كانت فكل بيت
وعيونها رسمتهم في الحيط
كلبي كالي هي لي بغيت
دات عقلي ومعا هبالو بقيت
راني وعيت
راني وعيت
ياك نتي لي غذارة
رميتي لحب اوتبعثي شكارة
ضيعت عمري عليك خسارة
نتي شوكة وكنت حاسبك نوارة
راني وعيت
راني وعيت
ل كتسناي تفلا عليك
وهمك بلي كيبغيك
كاليك لوالدة جاية نديك
مسح فيك وسخو هوا يرميك
راني وعيت
راني وعيت
رجعتي طلبي مني سماحة
تبكي وتنوحي بدموع تمساحة
معاك كلبي مابقات لو راحة
وقلبك مسحتو بي ممساحة
راني وعيت
راني وعيت
نتي غدرك ك يسيح
بعدي ودي ديك الريح
راه قلبي باقي حريح
مرة يوقف مرة نطيح
راني وعيت
راني وعيت
بلا متحطي رجلك فهاذ الطريق
مشات الغفلة لهبيل ولا يعيق
الذب انعاسو يطول لابد ميفيق
كلبي عطيتو مرة ف الثانية مبقا يثيق
عبد المجيد جلواح
18/06/2018
ليست هناك تعليقات:
إرسال تعليق