إسمع منى دقيقه يامصرى لااجل ماتعرف أصلك مين
إنت ف قلبك قوّه عظيمه وبعقلك تغلب ألفيـــــــــن
مش كلمات عندى بتترصص قلمى بيكتب حق يقيــــــــن
مـَيـِّة نيلى ف قلب عروقــــــك!! وجدّك خوفو أبو الهرمين
.............
قلبك شارب عدل ورحمـــــه زيـّك ياابنى مافيش اثنين
إسمع كلمه قالها حبيبك صلّى عليه ربّ العالمين
خير جنود الأرض المصرى فى رباط حتّى ليوم الدين
إوعى ف لحظه تنسى الكلمه مسلم كـُنت و قبطى أمين
.............
إقرا تاريخ وحروب أجدادك تعرف ياابنى جذورك فين
أنا ماهاكثر ليك فى كلامى لاخـُدّ م الصفحات ألفيــــن
آخر حرب قريّبه منّــــــــــك فى رمضان ثلاثه وسبعين
يومها ساداتنا أبوك المصرى رَجـَّع حقـّك م الظالميــــــن
...........
وسينا الحـُرّه قالت له ا لحقنى أنا محبوسه بين قضيبين
كيف الأرض الحـُرّه الطاهره تبقى سجينه ف إيد غادرين
نسيوا أسود الوادى ف أرضى يومه وقالوا احنا الظاهرين
هنا برليف معجزة العالــــــم وما تقدرش عليه الشياطين
.............
شوف أفعال الجندى المصرى قال انا عندى يادوب طريقين
لاجل ما ترجع أرض الـــــوادى حـُرّه عظيمه على الشطــّـيـن
إمـّا النصر على السـُداسيــــه اللى خانتنا ف عام ستـّيــن
إما شهاده لجنّه عريضـــــــــه فيها العدل وحور العيـــــــن
.............
ياابنى يامصرى إمتى هاتعرف عندك قوّه ضدّ ميتيـــــــــــن
وكمان ورث جدودك عقلــــــك إسأل مينا أبو القـُطريــــــــن
بينـّا وبينهم شط ّ المـَيـّه فيها نابال يحرق ملاييـــــــــن
إن عدِّينا المـَيـّه ياشاطر جيشنا ها يصبح م الغابرين
.............
تسلم إيد الجـُندى المصرى إسمه الضـُفدع أبو رجليــــــــن
ينزل تحت ف قاع الميـّه يقفل ف المواسير ألفيـــــــــــن
جنب عيونك ياسـُداسيه يومها جهازك راح على فيــــن
تبقى زراير شكل ومنظر قدّام خدمه من النايميــــــــــــن
.............
ستـّه اكتوبر يومها عبرنا ألله أكبر ع الظالميـــــــــــــــــن
فوقى يانجمه علمك نكـّس جنب عساكرك ف الرجليــــــــن
طيران غطّى بإسم بلادى يضرب جوّه شمال ويميــــــــن
ومـُشاه بتهجم جوّه أراضى يكسروا سمّ كثير شياطيـــــــن
...........
ومـُدّرّع ياما شالله عليهم ملحمه يحكوا عليها سنيــــــــن
ومـَظلّى يسقط فى جنودهم جندى مـُدرّبّ ضدّ ميتيـــــــــــن
عمرك شفت السما بتمطـّر بدل الميّـــــــه مظلييـــــــن
يومها المصرى اتحوّل جنـّى حمدى وبطرس ويـّا حسين
..............
واجه .حارب ألله أكبــــــــــر ألله أكبر ع الظالميـــــــــــن
ياسلام سلأّم قوى ياصميده أنت ومينا مع حسنيــــــــن
عايزين نفطر فوق ف الجنـّه وعدى لاخويا ف عام ستـّين
قتلوا أخويا ف إيده الحنـّـــــه وسحلوا الجثــّه شمال ويمين
.............
تارى ف اخويا ياصول اتمنـّى آخد م الغادرين عشريــــــــــن
حزّم لغمه حوالين جسمــــــــه ودخلوا فصيله جوّه كميــــــــن
زيـّك ياابنى مافيش فى العالم أبدا ياابنى مافيش اثنيـــــــــــن
وامـّا تشوف الوجه يااخويـــا فيه البسمه تسـُرّ العــــــــين
............
كيف انا هوصف قلب المصرى لو كان ف الصفحات خمسيــن
يومها الظالم منّك سلّــــــــــــــــم ورفع إيده للهرميـــــــــــــــن
ورجعت سينا الحـُرّه الطاهره بعد ما كانت جوّه كميــــــــــن
لازم ترجع تصلب عـــــــــــودك حتـّى ان كنت ف عام ألفين
............
إصحى وفكّر نضّف عـقـلــــــك من أفكــــــار الغربييـــــــــن
حرب سلاح الدمّ اتغيـــــــــــــّر وصبح حرب الفكـــــر سنين
ياأسطورة ماضى وحاضـــــــر قلب حقيقى وشعب متيـــــن
ياابن بلادى الحـُرّه السمره مهما ان كان فى كثير ظالمين
أنت وجرجس ويّا صميده فى رباط حتـّى ليوم الدين
فى رباط حتـّى ليوم الدين الشاعـــــــــــــر/ يحيي المصرى
تحذير
جميع أعمال الشاعر مـُسَجله ولا يجوز استخدامها فى الورش الفنيه
إلا بموافقه كتابيه من الشاعر
ليست هناك تعليقات:
إرسال تعليق