هدى مشاق
مااقبلشى
تلضم طيفى بخيالك
وامر بصدفة على بالك
كهمزة وصل
للتجديد
تجدد بيها ايامك
وتنقش بيها احﻻمك
ولو ضاعت
ما تفرقشى
ماقبلشى
اكون زينة ف بروازك
واكون كلمة
واكون تغمة
تكمل بيها موالك
واشوف نفسى
كأنى غريب
بيتسول
ويتمنى تحن عليه
بلحظة عطف
اتجول جوا إحساسك
الاقيك نبض يتحول
والاقينى
مجرد شرطة او نقطة
تختم بيها اخر سطر
وتبدأ تانى م اﻻول
بقلمى هدى مشاق
ليست هناك تعليقات:
إرسال تعليق