إنسي خلافك ويا اخواتك
عيش الحاضر وانسي الأمس
يلا بسرعه حقق ذاتك
صحي بإيدك ضي الشمس
يمحي الليل اللي في حياتك
يعلا الصوت من بعد الهمس
قول للظلم عننا ولي
خلي الحق نوره يبان
أنا واخويا احباب هانخلي
الحريه ليها بيبان
يلا يافرحه قربي هلي
دا مافيش بيننا أخ جبان
خلاص ودعنا بحب جمعنا
فرقه وحرقه واختلافات
وآدي العالم كله سمعنا
ومافيش غل ف قلبنا بات
أي خلاف في الرأي مابيننا
يزول ف دقايق مش ف ساعات
واهو دلوقتي الكل حبايب
أصبحنا كدا أهل وعيله
ومسيحي مسلم زي قرايب
مع بعض بنعمل هليله
والحاضر يسأل ع الغايب
مصر أصيله مصر جميله
مصر جمالها ده في اللمه
ولما بتبقي الإيد في الإيد
لما بتعلا فيها الهمه
بيعيش فيها الكل سعيد
تصبح مصر لوحدها أمه
وأم الدنيا تبقي ف عيد
إبن بيرم في 28/8/2015
ليست هناك تعليقات:
إرسال تعليق