مالك أليام ،،،،،، للشاعر ///// أحمد الكندودي

***زجلية مغربية تحت عنوان:
***مالك ألِيًام***
مَالِك أَلِيًام دَوًدْت ، واخا مًلْحناك بالصبر
ريحتك عطات ، ؤفاحت ب القبح ؤُ الشر
الأمان نشرتيه ،وعْلَى حْبَلْ لخيبة ؤُلغذر
مالك أليام قَسَحْتِ لَقْلوبْ ،فوَلاًت كِ صْخر
سْحَرْتِ بنادم حتى تْلَفْ، وضاع مَنو نْظر
شَتًتْتِ لَمْحَبًة ،فَنَوْراتْ زَريعْتك ضر وقْهَر
مْسَوْكَة بالرماد،ؤُبين عينيك لْقُبْح زاد كْبْر
طْلَقْ ْعروقُو فِ لْكَسْدَة ،ؤما حَسْ ؤُلا شْعَر
طْفاتْ عْلَى سطحك وْجُوه، نْساتْ الله ؤلَقْبَر
طفات على سطحك الظًلْمَة ، ؤُغَمًات لْقْمَر
عَمًرْتِِ لعقول بلخاوي ، ولخاوي مَأ كيْعَمر
طريقو حفاري عميقة،وَمَنو جا لْبَاسْ وَضُر
فمالك أليام عوجة ،ؤ عاطية للخير بظهر
***الشاعر والزجال: أحمد الكندودي ***المغرب***