كولي أحبك ،،،،،، للشاعر //// د. حسين الحلي الزبيدي

قصيدة شعر شعبي عراقي
گولي احبك
مو حرام الحب هدية إمن السماء
الحب رسالة حتى ما تبقى دماء
عالارض ويعم على الناس الوفاء
انتي لو گلتيلي احبك تنفتح باب السماء
وتزهر الارض الوسيعة  وتالي مايبقى عداء
گولي احبك ليش لا 
من تگولين اني احبك
تفرح الاكوان كلها وتنتصر كل الجياع
او تفرح الاملاك والله لان ما يبقى عداء
لا ولا يبقى مشرد نايم ابليل الطويل ابلا غطاء
گولي احبك ليش لا
كون حتى الله نحمده ونشكره عل هل العطاء
المحب يعزف لحن حب للحياة
وهوه رمز الكل الاخاء
حُبِّچ إنتي يسعد الدنياالچبيره او تمتلي كلهه ضياء
گولي احبك  ليش لا 
والگمر عاشكله نجمه البالسماء ..
وهيه لازمته لان .. غطاهه بالود والضياء ..
وظلت اتسير اعله دربه ..
چي لان كلهه وفاء .
مثل هاذي گولي احبك يا سبب هذا الهناء
رددي إبصوتچ احبك
واملي دنيانه  الوسيعة بالمحبة والغناء
گولي احبك ليش لا .
د.حسين الحلي الزبيدي ( صفحة جديدة)