( ياللي عايشها بكش وأوانطه ) :
ياللي عايشها بكش وأوانطه
شد لحافك نام واتغطى
يمكن تحلم حلم جميل
بطبق كشري ودقه وشطه
ما بتفرقش معاك الدنيا
أيامك بتعدي ف ثانيه
مش شاغلاك ابدا مشاكلنا
ولا شاغلاك دنيتنا الفانيه
ماشيه معاك الدنيا حلاوه
ليل قشطه ونهار بقلاوه
وبتتمخطر وبتتغندر
حبه لطافه وحبه شقاوه
آه يا بختك والله بجد
عيشتك سهلة ومالهاش حد
ما بتفرقش معاك أيامك
ولا تعرف سبتك من حد
كل السر ف تلك الخلطه
حبه بكش وشويه أوانطة
وان سألك حد على مكانك
تبقى ف شبرا تقول انا ف طنطا
بقلمي الشاعر جمال زكي عينر
ليست هناك تعليقات:
إرسال تعليق