أكيد بحبك // بقلــــم: عــــادل الشـــــهــابى

أكيد بحبك
سألتها بتحبينى قالت أكيد بحبك ..
خلاص ملكت وسكنت أنا قلبك ...
وحياتى أتمناها حبيبى أنا جنبك ...
وهنايا حبيبى أكيد فى قربك ...
شوفت فى كلامها السعاده ...
وفرحت أنا غير العاده ....
وقهوتى ما بقتش ساده ...
وقتها عيشت أنا ليله جميله ...
وحلمت معاها نكون عيله ...
بصوت رقيق قالت ليا ...
بحبك وأنت النور لعنيا ...
وأنت فرحه أيامى اللى جايا ...
مابقتش مالك أنا روحى ...
وكلامها دوا كل جروحى ...
أتمنتها فى لحظه قدامى ...
وصوتها أصبح أنغامى ...
وهى الحلم الجميل فى أحلامى ..
حبيبتى يا كل منايا ..
حياتك هتكمليها معايا ...
حبيبتى يا نسمه أنتى فى صيفى ...
أطمنى ومعايا بلاش تخافى ..
دى أنتى بسمه أيامى ..
والخير اللى بشوفه فى منامى ...
حبيبتى هاتى يلا أديكى ...
خلينى أبص أنا فى عنيكى ...
حبيبتى لحضنى أنا عاوز أضمك ..
وعنك أشيل أنا همك ...
بحبك بكل وجدانى ...
ومعاكى حاسس أنى انسان تانى ..
بس أسمحيلى فى حبك أبقى أنانى ..
بقلــــم: عــــادل الشـــــهــابى