هنادي…… بقلمي
ينادي فؤادي هنادي هنادي
ولا به حـدْ سمع مـا ينـادي
الآ يافـؤادي يــكفي تنـادي
آجـيله عـاني ولايـوم جانـي
تَعبني هجرني وأنكر ودادي
وكان بقلبي وعـوج المحاني
وحـبٍ عطيته بوسـع البلادي
بوسـع البلادي صـدٍ عطـاني
وكان بحــبي تـغنى الشادي
عطيته عمري وحبي وحناني
صبرت وآنا له مـثال الهـادي
وصـابر واكابر واعـرفه اناني
بلانـي بـحبه وتـباعد حـيادي
تغلـى تخلى لهجره دعــاني
ماتت شعوره واصـبح عـنادي
تحجر تجبر وقـصدا ســـلاني
صرتْ بوادي وهـوْ في وادي
وترى في بعادي آن الاواني
عفـته ولاجيت أبـوس الآيادي
ولاني من اللي رضا بالهواني
شوفو قراري وعلم الوكـادي
اببعد وعيش بجـفا ماعـطانـي
نسيته سـليته وكان البــادي
وهذا قـراري عسى ينسانــي
بودعه ولمـّلم باقـي عتـادي
دروب السلامه وكل التـهانـي
أشاور بيـدي بصـهوة جـوادي
بآمــان الله ي حــبٍ بـلانــي
محمد عواد البشكمي………
ليست هناك تعليقات:
إرسال تعليق