خايفة ليه من حلم بكرة
أنتي فاكرة إني إيه
قلبي داب م الشوق معاكي
و من هواكي و اللي فيه
حلم عمري معاكي يكبر
و اللي أكتر شوقي ليك
مشتريك يا حلم بكره
يا أحلى ذكرى ما تتنسيش
سيبي قلبك للي حبك
و أسهري الليل ما تناميش
ما تلاقيش في الدنيا عاشق
زي قلبي لاء ما فيش
قلبي هايم فيك و حبك
قربي ما تبعديش
قربي لقلبي اللي دايب
لملميني عايز أعيش
ما تخفيش من حلم بكرة
كل ذكرى معاك تعيش
كل كلمة و كل همسة
اكتبيها ع السنين
اكتبي قصة هوانا
و غلفيها بالحنين
أحكي يا عمري الحكاية
حكاية قلب عاش حزين
أرقصي يا بسمة طلة
ولى عنا الأنين
بكره رح نحكي هوانا
يا شمس طالعة
و فجر لاح
تضحك الشمس البريئة
و تنتهي كل الجراح
و الليالي في نور قمرها
يطول سهرها للصباح
تحت أغصان الآماني
أحلمي الحلم المباح
تتبدل الأحلام أغاني
و يبقى عشنا
في يوم جديد
تكسر الأحزان أيدينا
و تحضن الحلم الأكيد
أنتي كاس مليان بخمري
و دم يجري في الوريد
كل شئ في الدنيا أنتي
حلم بكرة مش بعيد
أنتي كاس عشقي
و سكري
في يوم لقانا نخب عيد
رح أعيد عمري معاكي
و أعيش حياتي من جديد
ليست هناك تعليقات:
إرسال تعليق