أنا الوطن
إبليس اللعين نبح وبسيف الظلم دبح
عزى وكبريائي
ياترى مين صرخ وسلاحه قد رفع
عشان ياخد بتارى
ولا حد نطق واتكلم مع انى يوماتى
بتألم عايش ويا عذابي
انا الحلم الكبير بقيت صغير بلملم ردائي
انا الوطن بقيت ذبيح ريشة ف مهب الريح
لا دار تؤوينى ولا هدمه تكسينى ع الأرض طريح
انا الوطن بتحسر على ايام مجدى
بتقتل بايدين ولدى
لا الدم عاد دمى ولا العم صار عمى
واخويا صار ضدى
حتى إللى من صلبي بقم اغراب عنى
سبونى تايه غريب الكل بيقول همي
انا الوطن مهد الحضارة وكل رسالة
بقيت لعبة ف ايدين كلاب حثالة
عايش فى دارى غريب
لا سلام لا كلام لا حبيب
سجنى عجيب خوف مهيب
اولادى عشقوا الكلام والجفن نام
والجسد على الأرض مرمى حطام
بيشكى لامتى ياربي هارتاح من اللئام
ياعروبة لمى لمى وجمعى يالحب عظمى
وهاتى إللى منى يزيح التراب عني
ويسندونى أقف من تانى
واشد عزمي وابنى دارى
وااقول بأعلى صوتى
للدنيا كلها دا عنوانى
واحضن فى حضنى ولادى
يمكن فى يوم تنبت أرض العروبة فدائي
محمود صلاح
مصر
ليست هناك تعليقات:
إرسال تعليق