"" ياللى رماك الهوى 2 "" بقلم الشاعر \ محمود بدران

ياللى رماك الهوى 2

____________

ياللى رماك الهوى ؛

بعد ما صابك سهامه ؛

قولت إيه فى إللى انكوى ؛

بعد ماصابك جراحه ؛

لسه باقى عا لهوى ؛

واللا انت عاشق مراره ؛

لسه عندك فيه آماله ؛

واللا النصيب وقف قصاده ؛

طب وبكره تعمل إيه وبعده ؛

لما الزمن يجرى بحصاده ؛

هاتقول خلاص انكويت مره ؛

ودقت مر عذابه وآلامه ؛

وتعيش فقير وحيد أوهامه ؛

وياخدك اليأس فى طريقه ؛

إللى عشق فى الحب مره ؛

قادر عالحب يعشق هواه وضله؛ 

لو جالك الحب ابقيه وضلله ؛

وعيش إللى انكتب والنصيب حله؛

واللى داق مراره قادر على حلوه؛ 

من القلب للقلب 

محمود بدران 

30/11/2018