سهم الهجر ...................................
<<<<<<<<<<<<<<<<<<<<<<<<<<
<<<<<<<<<<<<<<<<<<<<<<<<<<
شـجاوب روحي من تسأل عليك اهواي ؟
واسمك هذا مثل الظل أشوفه اوياي
أشوفك آنه ..
شكَل لمراية جدامي ؟
صباح الخير .. ياحزني النمت وياي
جا وين المحاجي وعـتب بين اعيون
والجلمة الكَلِتْ ...... :- (ماظن عليه اتهون)
تغير اسمك تظني ماعَـرِف روحي
لو ماظل إلي خاطر
تظل روحي ترفرف مثل طير الصيد
ملهوفة اوتحن للظا ل .. ناسيني
تلزم درب المحبين
حسرة .. تشوف جف ابجف
حسرة كَاع تنطر ماي
تسمع دكَة البيبان
ملتاعة اوتصد للجايْ
شكَل للماخذ أفراحي
رِهينه اومبسم اشفافي
سهم الهجر راميني
وين اهواي ؟
شِـرَدْ .. وي شردة اسنيني ؟
<<<<<<<<<<<<<<<<<<<<<<<
قلم وريشة / علي حيدر
ليست هناك تعليقات:
إرسال تعليق