بنت فلسطينية
الشاعر خالد اغبارية
كانتِ تْلِم حْجار وِتْحُطُّه قُدام الشّباب الجهاديّة .
قَرّب منها المراسل وسألها : شو بتعملي يا البنت الفلسطينية ؟
رَفْعَت راسها واطَّلَّعَت بعيونه
قالها: وليش رفعتي راسك وعيونك قويّة ؟
انتِ بنت وزير ولا بنت رئيس الجمهوريّة ؟؟
قالت : العفو يا هذا ،
يا ناس كل ما في القضية أني فلسطينية ،
إحنا أحلى وأطيب بنات على وجه الكرة الأرضية،
وبالجمال نوخذ الأولوية ، وبالقوة أقوى من السفن الحربية ،
لا رصاص ولا بارود بِرهبنا ولا عنجهيِّة ،
ومرَبَّيين بالعفِّة والوجوه الحنِّيِّة ،
وما راح تلاقي مثلنا لو دوَّرت من الشرقيّة للغربيّة ،
والضِّحكة خِلْقَت من عِنّا وبنرسمها على وجوهكم بكل حنيّة ،
أكيد بْحِقِّلِّي أرفع راسي وتكون عيوني قويّة ،
الآن الكل عارف أني بنت فلسطينية ...
ليست هناك تعليقات:
إرسال تعليق