غالية علينا
أم الدنيا دي في عنينا
نبني قرية نبني مدينة
شروق الشمس أمل ف عنينا
قمرها منور سما ليالينا
مع بعضينا سيري يا سفينة
مصر بلدنا
غالية علينا
مصر بلدنا عالية رايتها
عالي مقامها و حافظة قيمتها
هي عروبة هو دا بيتها
هما اخوتنا دي قضيتها
مصر كبيرة تحب اخوتها
و ما بتنكرشي الحق ما فاتها
و التاريخ ما كانش ناسينا
مصر بلدنا
غالية علينا
شوفوا النيل شوفوا أراضيها
جاي بخيره يجري عليها
يحب بلدنا و بيرويها
الأرض الخضرة نفرح بيها
شوفوا الخير ربنا مدينا
مصر بلدنا
غالية علينا
أنا فلاح وسلاحي فاسي
مهما تعبت و كنت بأسي
هي بلدنا و هي دي ناسي
أنا زارعها ما كنتش ناسي
شوفوا أرضي خيرها علينا
مصر بلدنا
غالية علينا
أنا العامل أنا الصانع
أبني مصنع و ارصف شارع
أبني كنيسة و أبني الجامع
أبني المجد لفوق أنا طالع
هي بلدنا و غيرها ما لينا
مصر بلدنا
غالية علينا
أنا مدرس ماسك قلمي
أحب بلادي و أعشق علمي
أبني بلدي و اعلم ولدي
أزرع علمي و أزرع أدبي
و ندي بلدنا كتير تدينا
مصر بلدنا
غالية علينا
أنا الطالب ماشي الجامعة
كتابي ف أيدي و شايل شمعة
بكرة صوتي الدنيا أهي سامعة
يسمعه حاقد تنزل دمعة
و نعلى لفوق مين هيوطينا
مصر بلدنا
غالية علينا
أنا الجندي و كل ما عندي
دمي و روحي الكل أنا هادي
مصر بلدنا عايشة في قلبي
عندي شجاعتي عمري ما أهدي
واجهت بدمي كل أعادينا
مصر بلدنا
غالية علينا
أنا الشعب اتحدي الصعب
أبني بلدنا و أبني المجد
عايش عمري ما بكره حد
بعشق بلدي و أحب الأرض
عمرت الوادي و كمان صحارينا
مصر بلدنا
غالية علينا
أم الدنيا دي في عنينا
أرض و مصنع قرية مدينة
كل بلادنا و كل اسامينا
أحفظها يا رب و تفضل لينا
مصر بلدنا
غالية علينا
ليست هناك تعليقات:
إرسال تعليق