ألوووو ...... ؟
محمد ضباشه
شبابنا بقى أخر روشنه
وعشقوا خلاص التليفونات
ما هم لا شغله ولا مشغله
وهات تسالى ويا البنات
وأن خلص الرصيد معاهم
يبقى التواصل بالاشارات
تعالوا نشوف أيه الحكايه
وأيه حكاية الرنات
صباح الخير برنة
والرنتين سلامات
وتلاته كلمنى شكرا
واربعة فيها ايماءات
يا اما قابلنى حالا
انا منتظر على الشات
أو النت فاصل
او يا عم ميعادنا فات
ورسايل وكلام قبيح
الأدب جواها مات
مره تثير الغرائز
وفى التانيه المشكلات
وممكن تخرب بيوت
وتزود فى الخلافات
والكاميرا ساعات بتلقط
مناظر من سكات
يمسكوها عليكى ذله
ويلووا بيها دراعات
والشك فيها يصحى
من غير أى حسابات
والغيره تزيد لهيبها
فى قلوب ست البنات
والسبب مكالمة طايشه
علشان يقولوا سلامات
ولا علشان يعاكسوا
او يفبركوا أشاعات
بقت الحكايه سلطة
واحنا عجبنا السكات
ونمسك تليفون فى أيدنا
علشان نقول الووووهات
ليست هناك تعليقات:
إرسال تعليق