شعر حلوانى
يا صينية هريسة بمكسرات
مليان عسل وسطك،،،،
اروح فين يا ناس م الكنافة
واجيب منين فسدق ،،،،،،
شكلك وطعمك بيعجبنى
ويا بخت اللى يعيش جنبك
حلوانى انا ومعجون من زمان فيك
وطبقات قلبى متشربة بحبك
دى صوابع الهانم جميلة سكر وفيها اتعقد
خلاص بقى فى الايدين يشبك،،،،
اللى بيشتغل فى الشرقى
حلوانى أصيل يصدق،،،،
يا شفايف فيها الملبس
والطعم مال حبك،،،،
يا حلو انتى يا غربى
يا روعة كل الفواكه التورتة لون خدك،،،،
انا لما اشوفك فى حفلة فيك الكريمة حنان
ودوائر ومين قدك،،،،
شكلك ده حير عيونى
وتعبنى كتير رسمك،،،،
الدم تقول بسبوسة والصدر مدور زلابيه
العسل فيها يشدك وعيونها من بندق،،،،
انا قلت كل اللى عندى ومضرب القلب وقف
وربك كريم هو عليه يرزق،،،،
والهانم ليها صوابع والقشطة دايبة عليها
اجيبك يا حلو ازاى وادوق منين طعمك،،،،
والشعر ناعم و غريبة والكفوف قلاش
والحلو تمنه فيه ولا يمكن يكون ببلاش،،،،
والقلب تقول بقلاوة والشفايف كريز
تجرى ريقك عليها ونفسك متستناش،،،،
والجسم فطير مشلتت والسمن فيه ساح
ونارك فى قلبى تسوى والعقل فيك راح،،،،،
وعيون حواجبها من شكولاتة تدوب فيها النظر
ومزوقة بالسحر لو تقربك ترتاح،،،،،،
يا رايق يا وش حليب
وحته جاتوه مع شاى تنادينى كل صباح،،،،،،
بقلم مراد مصطفى مراد
ليست هناك تعليقات:
إرسال تعليق