انواع القلوب
كل واحد فينا وقلبه فى الحب
له شكل وله لون وله مفتاح
فيه نوع بيفتح بطيبة معاك وسماح
ونوع من قبل منك صرح خلاص بمشاعرة وباح
ونوع لما يفتح ليك بإخلاص بيلطشك كعصف رياح
وفيه نوع منها غريب على طول يا عينى
تعارف و ائتلاف أرواح
وفيه قلب بحر يداعبك بموجة
ويعلمك فيه العوم وكمان سباح
وفيه تلاغيه وتتعب وعقلك يخف
ويعيشك فى دنيا الغرام سواح
وفيه شرس تتحايل عليه ويتروض
بعد تدريب منك عذاب وكفاح
وفيه تشم منه الحب فى لحظة زى عطر الورود فواح
وفيه قلب زى الشمس مرة سعيد يضحك ويشرق
ومرة حزين يغرب ويعيشك ألمه كل مسا وصباح
وفيه يطلع عليك نوره شويه شويه
وبعد الظلام الفجر شقشق على قلبك ولاح
وفيه عايز منك ولو بالكدب تتحايل عليه
وتترجى وتنزل من العيون دموع تمساح
وفيه يكون سعيد بحاله معاك ويفتح فى ثانية
وفى ثانية تانى فجأة تدور عليه فين راح
وفيه زى الشموع تنور لك شويه فى ليلك وتهمسلك
بدفا وحنان وبعد فترة يكون حبه ليك خلص و ساح
هى دى طبيعة القلوب فيها حب وسعادة
ومرة بكا على فراق الحبيب ونواح
ومرة يكون مجروح ويتعذب حزين
ومرة يطير فوق فى السما بجناح
اوعاك تندم على حب منك فى يوم راح
دى الفاكهة انواع والوان كتير منها
تسوى قلب وخدود الخوخ فى الطعم واللون
زى قلب وخدود تفاح
سبحانك يا خالق الخلق ومغير الظروف والحال
هناك فيه عزا وهنا فيه افراح
وهنا مريض نايم بيشتكى
وهناك ماشى صحيح مرتاح
بقلم مراد مصطفى مراد
ليست هناك تعليقات:
إرسال تعليق