عن الحب
مقدرش أكتب
كل يوم قصيدة
لا انا حراميه
ولا محامية
بكتب عريضة
الشعر احساس
مش كلام وخلاص
أحساس مكتوب
وهمس مشاعر
من القلوب
أحساس محسوس
جوا الضلوع محبوس
عشان انتوا احبابى
ها تحسوا بعذابى
وفرحتى كمان
ماهو الحب جنان
ساعه تكون حزين
وفى لحظة
تكون فرحان
وهى دى الدنيا
قالوا عليها فنيا
وبتيجى على القلوب
وأنا قلبى حساس
بيحب كل الناس
وياما تعب قلوب
لكن قدر مكتوب
الحب ..... إحساس
يملك قلوب الناس
ويحير الملايين
لو حتى تطلع مين
ها يطلع عينك
و يبكيك ليلك
وتشكى للمارين
الحب ما ينباع
لكن يكون أنواع
من رحمة رب كريم
حب الروح للروح
يعشقك منين ما تروح
والضحكة تطلع ليك
يموت عليك م الخوف
دايماً عليك ملهوف
و القلب مشغول بيك
و حب حدوته
فى قلب بنوته
حالم ولهان
يصرخ أنا إنسان
قلبى خصاية
فرحان جوايه
و بيعشق بجنان
وحب تدور علية
يبقى نفسك فيه
سعات ما تلاقية
نادر الوجود
سبحان المعبود
رزق ترزق بيه
رزق من عند الله
كتير نترجاه
نكون م الموعودين
بقلم فايزة عبد اللطيف
ليست هناك تعليقات:
إرسال تعليق