أنتي فاكره إني ناسي ؟
قلبي مشتاق لك كتير
قلبي عايم في بحر هايم
زى مركب يروح و يرجع
و الطريق صعب و خطير
و كل ما ألم القلوع
أبقي خايف موجة تعلي
و القلوع مني تضيع
و أشوف سؤال في عيونك
و بين جفونك سيل دموع
صعب الطريق اللي وخدنا
و مش معلوم حتى المصير
بس السؤال اللي في عيونك
كان موجود عليه جواب
الجواب مشتاق اليكي
و قلبي ليكي و بين أديكي
قلبي زى ما يكون أسير
و ارجع أفكر فيكي تاني
و في ثواني ارسم حلم
فوق السحاب
عند النجوم
اللي قدرها تعيش حياتها
عالية فوق
و إن سألتي مرة عنها
ما تلقيش حتى الجواب
حلمي بيكي زى النجوم
اللي مرفوعة بحكم القدر
اسألي ليه الشمس طالعة
و ليه في الليل بيكون قمر
اسألي كل الجبال
اسألي حتى البحار
ليه بركان تحت ميه انفجر
اسألي
يمكن تلاقي فيه جواب
تحت ميه و جوه نار
ليست هناك تعليقات:
إرسال تعليق