في بحركم سابح
والفكر فيه بيتوه
فارد شراعي أشوف حالي
ألاقي الماضي مندوه
أحط القدم علي الخاوي
وعارف أن الخطي بالروح
أصرخ بعلو صوتي
يجيني الصدى معروف
واضرب بعيني في المدى
وأشوف الخلق مريوح
بشر غرقان في الملح
مين يمسكه من النوح
أتاري الخلق تايه
دس الأيادي في الجيوب
وسايب حموله علي الكتاف
أما حبايبه اليوم وجفوه
لازم من سكة خلاص
وعيني علي الطريق
ويدي معين شاطر
يشيل معاي ولو شاطر
لا يكل ولا يمل
ولا يبقي قليل الحيل معتوه
غرقان في بحركم
من قبل الفطام
واللي يمشي وراكم
يبقي قبيح معتوه
ليست هناك تعليقات:
إرسال تعليق