*** أقبلى منى أعتذارى ***
أسف حبيبتى على اللى كان
أسف وبقدم ليكى اعتذارى
بعتذرلك على الحب اللى قتلته بأيدى
على دموعك اللى حرقت ورد خدودك
ومن قساوتى بتشكيلك
بعتذرلك على جراحك
على دموعك على آلمك
على سهرك على سهدك
على قمرك اللى هجر ليلك
على البسمة والفرحة
اللى ماتت فوق شفايفك
اسف على اللى راح
واللى ضيعته بإيدى
أسف على أخطائى
تعالى حبيبتى ارجوكى
تعالى نتصالح مع الأيام
تعالى نعود من تانى
نبدل القسوة بالأحلام
هاتى أيدك تحضنها ايدى
تعالى يا عمرى هنا فى حضنى
بلاش تقولى الوقت فات
واللى بينا اصبح ذكريات
لا يا حبيبتى
لسه حبك ساكن فى قلبى
بيجرى ف دمى وف وريدى
لسه ملامحك محفورة فى الننى
وفى عينيا وفوق جبينى
أمانه عليكى يا عمرى
تسامحينى
فى كل ركن شهد حبى
يندهلك يا نور عينى
وكل جوارحى بتشتاقلك
وقلبى بيتقطع جوايا
فى بعدك .. من هجرك
أنا يا حبيبتى من غيرك
بعيش غربة من بعدك
بعيد عن نفسى
حتى روحى بتهجرنى
بعيش غربة بطعم المر
بتقتلنى فى كل لحظة عليا تمر
يا حبيبتى أنا الايام ظلمتنى
حتى الظروف طاوعتنى
فرقت بينك وبينى
وبعترفلك بعذابى وبندمى
أنا غلطان فى حقك
انا ظالمك
أنا اللى قسيت على قلبك
حبيبتى يا عمرى انا اسف
يا روح الروح من بعدك
انا شايف الدنيا بلون باهت
سواد حالك
ملامحى مع روحى ضاعت
انا ضايع بموت فى اليوم
الف مرة من ذنبى
ومش عايش من غيرك
وبضحك فى وشوش الناس
بس من ورا قلبى
حبيبتى يا عمرى انا اسف
انا واقف على بابك
وبقولها ومش ندمان على اسفى
سيبى قلبى يفضفضلك
ويشكيلك عذاب بعدك
وفراقك
وقولى إيه يرضيكى
وانا راضى بحكمك
ولو قلبى انكوى بنارك
أنا راضى بحكمك
لانك قدرى وأنا قدرك
لانك حبيتى وأنا عاشقك
***********★***********
بقلمى / سيد الدابى الأبنوبى
حقوق الملكية والنشر محفوظة
ليست هناك تعليقات:
إرسال تعليق