كل عيد ام وامي الغالية بخير وكل امهات العالم جميعا بالف خير ويارب يبارك لنا فيك يارب
=====
يابركة البيت
===========
ياام نظرة محبة
فيها خوف ودمعة
الدنيا كلها ماتسوي
وجعك وخوفك يامة
==
كفاية انك جنبي
وكمان شايلة همي
واما كنت بحبي
تجري كمان وتسمي
==
قلقانة دايما
ماتخفيش
لوحتي سخنة
او مافيش
دعاك بيوصل
يارب تعيش
====
لما ببص في عنيك
بحس بروحي فيك
وقلبك بيضمني
ياحببتي الله يخليك
===
ياست الكل ياغالية
بحبك قد الدنيا
يالا ارتاحي شوية
كفاية قلق علية
===
بقول كمان وازيد
حبك ف الوريد
معاك مطمنة
والعمر كمان يزيد
==
انا قلت كتير وكتير
يام القلب الكبير
لو قالوا امي غابت
عقلي قوام يطير
===
بحبك ياست الكل
دة قلبك ذي الفل
بستان ورد ومحبة
كفاية نورك يهل
==
يارب بارك فيها
ونتجمع حواليها
دى بركة البيت والعيلة
يارب قوام اشفيها
وف الجنة يارب هنيها
كلماتي
اشجان احمد عبد الرحمن
رسم اللوحة
الفنانة اشجان احمد عبد الرحمن
20\3\2016
ليست هناك تعليقات:
إرسال تعليق